L’Escondut
de Silvia Margaria
Descrizione
Silvia Margaria a desenhat una installacion entre fantasia popolara occitana e ambient, que se fai percors e envita a la partecipacion, seguent un viòl que pòrta dal Filatoio al Bioparco “Acqua Viva” d’Caralh.
Gracias a la guida naturalistica Noemi Silvestro e ensemp a la narratritz Caterina Ramonda, es naissut lo conte de “L’Escondut”, un texte que se pòl leser a travers un QRcode, que vivarè idealament espanteat sal viòl, en correspondença de pichòts uelhs ros marcats a vernìs sus pus de cent fraisses e ceresieras sarvatjas que presenton s’la plalha aquela conformacion da la caracteristica forma d’uelh.
Una òbra espanteaa per exercitar-se a far atencion, una cheina d’argards que l’observator cercha chaminant e gachant decò en aut. Entre la vegetacion, prenent esponch da las istòrias tradicionalas de figuras sarvatjas imaginarias, mincatant desplasentas e mincatant gentilas, s’estrema e nos gacha l’escondut, una nòva creatura occitana qu’a forma mec enti uelhs. “… es parelh que lo vees: si as la ment dubèrta, si cernes de continuar bela si sas ren ente pòrta lo chamin, si arzigues de poler tombar, si penses que decò aquò qu’es un pauc estremat pòle èsser important. Alora lo descuerbes, lo vees, l’escondut, e ele te ve”, di l’istòria.
Silvia Margaria
Silvia Margaria (1985) ista e trabalha a Turin.
Passa tres ans a l’arquivi film d’la Cineteca del Musèu Nacional del Cinema d’Turin, ental sector inspecion e catalogacion peliculas, experiença de trabalh fondamentala per formar la sia recercha artistica d’encuei: la manièra atenta d’arrambar-se a la memòria e a la narracion d’identitats del passat an activat de praticas que formon una atencion pus auta vers las contingenças, las intermitenças del cas, las allusions e lhi fragments, la precarietat e la fragilitat. Sa metodologia d’trabalh dona importança al dialòg e a la partecipacion abo autras peaas visivas, considerant lo rapòrt entre lhi oponguts coma tensions compresentas, d’l’experiença d’relacion abo la memòria, d’la complexitat del rapòrt entre òme e ambient.
A realizat mòstras personalas e colectivas en Italia e fòra.
Es membre d’l’associacion Progetti Specifici (Torino).
Collabora abo la galeria A Pick Gallery (Torino).
